Høyring frå EIOPA: Forslag til tekniske standardar og retningslinjer til krisehandteringsdirektivet for forsikringsføretak

Desse høyringane dekker:

1. Utkast til regulatoriske tekniske standardar (RTS) med spesifisering av minimumselementa som må inngå i gjenopprettingsplanen for forsikringsføretaka som har krav på dette (*pre-emptive *recovery *planning *requirements).
2. Kriterium for å velje kva forsikringsføretak som skal vere pålagt å utarbeide gjenopprettingsplanar. Vidare blir metodane beskrivne for å berekne marknadsdelen til føretak som er underlagt desse krava, slik at minst 60 prosent av den respektive marknaden vil dekkast.
3. Utkast til regulatoriske tekniske standardar (RTS) som ytterlegare spesifiserer minimumselementa som må inngå i krisehandteringsplanane.
4. Kriterium for å identifisere kritiske funksjonar, viss bortfall kan få alvorleg innverknad på forsikringstakarar, ytingsmottakarar og generell økonomi, inkludert finansiell stabilitet. IRRD krev at forsikringsføretak, som er valde ut av krisehandteringsmyndigheitene som utfører kritiske funksjonar, må utarbeide krisehandteringsplanar.
5. Retningslinjer for ytterlegare å spesifisere kriteria for å vurdere om føretak eller grupper kan førast vidare / gjenopprettast, inkludert moglegheita for å gjennomføre rekonstruksjonsstrategien deira – og at strategien er truverdig.
6. Alternative tiltak, som er inkluderte i direktivet, og som krisehandteringsmyndigheitene kan sette i verk for å handtere eller fjerne hindringar for krisehandteringa av forsikringsføretak, eller konserngrupper, som er omfatta av direktivet.

Finanstilsynet ber om å bli informert dersom det er forhold av særleg betydning for norske interesser som Finanstilsynet bør vere merksam på.

Høyringsfristen er 31. juli 2025.

Høyringsnotatet og meir informasjon er tilgjengeleg på nettstaden til EIOPA:

• EIOPA opens first set of consultations in preparation for the EU’s insurance recovery and resolution framework